நாம் ஆரோக்கியமாக வாழ சில வழிமுறைகள்

நமது உடலை ஆரோக்கியத்துடனும், வளத்துடனும் வைத்துக் கொள்ள வேண்டும் என்பது இயல்பான மன நிலை. அப்படி நினைப்பவா்கள் இந்த பத்து வழிமுறைகளை கடைபிடிப்பது நல்ல பயனளிக்கும். அனுதினமும் உடற்பயிற்சி செய்யுங்கள். உடற்பயிற்சி என்பது ஒரு குறிப்பிட்ட நேரத்தில் மட்டும் செய்வதல்ல, தினசரி அலுவல்களுக்கிடையே வாய்ப்புக் கிடைக்கும் போதெல்லாம் உடற்பயிற்சி செய்யலாம். படிகளில் ஏறி இறங்குவது, அடிக்கடி நடப்பது, கண்களுக்கு பயிற்சி கொடுப்பது, கைகால்களை நீட்டி மடக்குவது, மூச்சுப் பயிற்சி என எவ்வளவோ செய்யலாம்.
தினந்தோரும் மூன்று வேளை மூக்கு முட்ட அசைவப் பொருட்களை உடலுக்குள் திணிப்பதை கொஞ்சம் ஒத்தி வையுங்கள். எல்லாம் அளவாய் இருப்பதே ஆரோக்கியமளிக்கும். தினமும் ஐந்து முறை பழவகைகள் மற்றும் காய்கறிளை உண்ணுங்கள். காய்காிகள் பெரும்பாலும் வேக வைக்காமல் சாப்பிடக்கூடிய காய்காிகளை அப்படியே சாப்பிடுங்கள். மற்ற காய்கறிகள் பாதி வேக வைத்து உண்ணலாம்.

நீங்கள் கலைப்பாய் இருக்கிறது ஒரு காபி குடிப்போம், போர் அடிக்கிறது ஒரு காபி குடிப்போம், நண்பர் வந்து விட்டார் ஒரு காபி குடிப்போம் என எதெற்கெடுத்தாலும் காபி அறுந்துவதை நிறுத்துங்கள். தூய்மையான தண்ணீர், செயற்கை இனிப்பு கலக்காத பழச்சாறு, எலுமிச்சை சாறு, கிரீன் டீ போன்றவற்றை அதற்கு மாற்றாக அருந்தப் பழகுங்கள்.

நல்ல பழக்கங்களைக் கொண்டிருப்பது மிகவும் முக்கியம். குறிப்பாக புகைத்தலை முழுமையாக விட்டு விடுங்கள். எதிர்மறை எண்ணங்களை வளர்த்தல், மது அருந்துதல் போன்ற அனைத்துமே உடலுக்கு ஊறு விளைவிப்பவை. எனவே நல்ல பழக்கவழக்கங்கள், நல்ல ஊக்கத்தை அளிக்கக்கூடிய சிந்தனைகள் இவை முக்கியம்.

மோசமான கொழுப்புள்ள, குறிப்பாக, சீஸ், சிப்ஸ், பிரன்ச் பிரைஸ், பீட்சா போன்ற அதிக கொழுப்பு நிரம்பிய உணவுகளை ஒதுக்கித் தள்ளுங்கள். நலமுடன் வாழ்வதற்கு உடல் எடை அதிகரிக்காமல் பார்த்துக் கொள்ள வேண்டியது அவசியம், அதற்கு தேவையற்ற கொழுப்புப் பொருட்களை அறவே ஒதுக்குவது மிக மிக அவசியமாகும்.

உணவில் அதிக உப்பு சேர்ப்பதை குறைத்துக் கொள்ளுங்கள். அளவுக்கு அதிகமான உப்பு உடலில் சோ்வதால் பல்வேறு நோய்களைக் கொண்டு வரும். அதிக உப்பை உட்கொள்ளும் போது உடலில் சோடியம் அளவு அதிகரிக்கிறது, இது மினரல்களின் சமநிலையைப் பாதிப்படையச் செய்கிறது. உயர் ரத்த அழுத்தத்திற்குக் கூட இது காரணமாகி விடுகிறது. அதிக உப்பு மிக மிக தப்பு என மனதுக்குள் எழுதி வைத்து விடுங்கள்.

உணவை நன்றாக மென்று உண்ணுங்கள். அதிக நேரம் மென்று உண்ணும் பொருள் உங்கள் உடலுக்கு அதிக பயனளிக்கும். தேவையற்ற கொழுப்புகள் சேர்வது, வாயுத் தொல்லை, செரிமானப் பிரச்சினை போன்ற அனைத்திலிருந்தும் அது உங்களைத் தப்புவிக்கும். தினமும் நிறைய தண்ணீர் குடியுங்கள். உடலிலுள்ள அசுத்தங்களை வெளியேற்ற அது உதவும். குறிப்பாக, உணவு உண்டபின் குளிர்ந்த நீரைக் குடிப்பதை தவிா்த்து. மிதமான சூடுள்ள தண்ணீரையே அருந்துங்கள்.

இனிப்புப் பொருட்கள் உண்பதை அளவுடன் நிறுத்திக் கொள்ளுங்கள். உடலின் சர்க்கரையின் அளவு அதிகரிக்கும் போது கொழுப்பு, இன்சுலின், டிரைகிளைசெரிட்ஸ் போன்றவற்றின் அளவு உடலில் அதிகரித்து உடலின் நோய் எதிர்ப்புச் சக்தியை கொஞ்சம் கொஞ்சமாய் வலுவிழக்கச் செய்யும். நினைவில் கொள்ளுங்கள், நீங்கள் வாங்கும் பொருளில் கார்ன் சுகர், குளுகோஸ், சுக்ரோஸ், லாக்டோஸ் என எழுதப்பட்டிருந்தால் அவை எல்லாம் இனிப்புப் பொருட்களே ஆகும்!

உடலின் எலும்புகள் வலிமையாக இருக்க வேண்டியது மிக முக்கியமான தேவை. இல்லையேல் எலும்பு உடைவு நோயான ஆஸ்டியோபோரோசிஸ் போன்றவைகள் வந்து மிகப்பெரிய சிக்கலை உருவாக்கி விடும். எனவே உடலுக்குக் கால்சியம் சத்து தரக்கூடிய உணவுகளை தவறாமல் உண்ணுங்கள். எலும்பின் உறுதியை நீர்த்துப் போகச் செய்யும் குளிர்பானங்களை (பெப்ஸி, கோக் வகையறாக்கள்) முழுமையாய் ஒதுங்குங்கள். காலை வெயிலில் கொஞ்ச நேரம் உலவுங்கள் வைட்டமின் டி இலவசமாய்க் கிடைக்கும்.

தேவையான தூக்கம், தேவையான ஓய்வு, மனதை இலகுவாக்குதல் இவையெல்லாம் மிக மிக முக்கியம். எந்நேரமும் வேலை வேலை என அலையாமல் உடலுக்கும் மனதுக்கும் மகிழ்ச்சியை உண்டாக்கும் செயல்களை தினமும் சற்று நேரம் செய்யுங்கள். நண்பர்களுடனும், குடும்பத்தினருடனும் அன்பாகவும், இனிமையாகவும் செலவிடும் நேரங்கள் ஆரோக்கிய வாழ்வுக்கு வழிவகுக்கும்.

சைவ உணவுகள் தோலுக்கு மினு மினுப்பை தரும்..!

சைவ உணவுகளை எடுத்துக்கொள்வதன் மூலம் உங்களது உடல் நலனுக்கு எந்தெந்த வகையிலெல்லாம் நல்லது என்தைப் பற்றி மருத்துவ மற்றும் ஊட்டச்சத்து நிபுணர்கள் தரும் விளக்கங்கள் இங்கே:

உடலிலுள்ள நச்சுக்களை அகற்றுபவை:

நார்சத்து நிறைந்த பூசணி, சுரைக்காய், முட்டைகோஸ் மற்றும் பசலைக்கீரை ஆகியவை சைவ உணவ வகைகளில் மிக முக்கியமானவை. உடலில் சேரும் நச்சுகளை அகற்றும் திறன் இவைகளுக்கு உண்டு. அதே சமயம் இறைச்சி, மீன் மற்றும் முட்டை போன்றவற்றில் புரதச்சத்து இருக்கும் அளவுக்கு நார்ச்சத்து இருப்பதில்லை.

நமது எலும்புகளை வலுவாக்குபவை:

இறைச்சி பொருட்கள் உடலில் புரதத்தை அதிகமாக்குவதுடன், கொழுப்பை கூட்ட வழி வகுக்க கூடியது. மேலும் நமது சிறுநீரகத்திற்கு அதிக வேலைப் பளுவை ஏற்படுத்த செய்வதோடு மட்டுமின்றி, எலும்பிலுள்ள கால்சியத்தையும் உறிஞ்சி விடுகிறது. இது போன்ற பிரச்சினைகள் சைவ உணவுகளில் அறவே இல்லை..

கார்போஹைட்ரேட் பற்றாக்குறை:

அதிக கார்போஹைட்ரேட் பற்றாக்குறை ஏற்படும் வாய்ப்பு அசைவ உணவுகள் அதிகமாக எடுத்துக்கொள்பவர்களுக்கும் உண்டு. இதன் காரணமாகவே உடல் தனது செயல்பாட்டிற்க்கு தேவையான சக்தியை கார்போஹைட்ரேட்டிலிருந்து பெறுவதற்கு மாறாக சேமித்து வைக்கப்பட்டுள்ள கொழுப்பிலிருந்து எடுத்துக்கொள்ளும் கீட்டோனியம் என்ற நிலைக்கு தள்ளப்படுகிறது.

எளிதில் ஜீரணம்:

கார்போஹைட்ரேட்கள் சைவ உணவுகள் மூலமாக கிடைத்து, படிப்படியாக ஜீரணமாக உடலுக்கு தேவையான குளுகோஸ் சத்தை சீராக அளிக்கின்றது. அதே இறைச்சியில் கொழுப்பும், புரதமும் அதிகளவில் இருப்பதால் அதனை ஜீரணமடைய செய்ய அதிக நேரம் எடுத்துக்கெள்கிறது. இது பெரும்பாலானோருக்கு சிறமத்தை ஏற்ப்படுத்துகிறது.

ஆரோக்கியமான மேனி:

பாகற்காய், பூசணி, பீட்ரூட், தக்காளி போன்ற சைவ உணவுகள் ரத்தத்தை நன்றாக சுத்திகாிப்பு செய்வதுடன், தோலுக்கு மினு மினுப்பையும் அளிக்கிறது. அத்துடன் ஆப்பிள், பேரிக்காய், கொய்யா, ஆரஞ்சு போன்ற பழங்களை உண்பதும் மேனிக்கு மினுமினுப்பை தருகிறது.

நல்ல காற்றே… நலமான வாழ்வு..!

இவ்வுலகில் ஒவ்வொரு ஆண்டும் சுமாராக 450 மில்லியன் மெட்ரிக் டன் அளவில் காற்றை அசுத்தம் செய்யக்கூடிய மற்றும் உடலுக்கு தீங்கு விளைவிக்கக்கூடிய கழிவுப் பொருட்கள் உற்பத்தியாகின்றன. இதில் முதலிடத்தில் இருப்பது அமெரிக்கா தான். இந்தியாவில் ஆண்டுக்கு 51/2 லட்சம் பேர் காற்று அசுத்தம் காரணமாக பல்வேறு நோய்களால் மரணிக்கின்றனா் என்று ஒரு ஆய்வாிக்கை கூறுகிறது. அமெரிக்காவில் ஒவ்வொரு ஆண்டும் சுமார் 3.35 லட்சம் பேர் நுரையீரல் புற்றுநோயினால் இறக்கிறார்கள். இதற்கு காற்று மாசுபடுவதுதான் முக்கிய காரணம்.

உலகில் வாழும் மனிதா்கள் எவ்வகை நோயினால் அதிகமாக இறக்கிறார்கள் என்ற புள்ளி விவரத்தில் பண்ணிரெண்டு ஆண்டுகளுக்கு முன்பு COPD என்று சொல்லக்கூடிய நாள்பட்ட நுரையீரல் பாதை தடுப்புநோய் பதினாறாவது இடத்தில் இருந்தது. ஆனால் தற்போது இந்த நோய் நான்காவது இடத்துக்கு வந்துவிட்டது.

ஒரு நாளைக்கு சுமார் 3 ஆயிரம் கேலன் காற்றை ஒரு மனிதன் சுவாசிக்கிறான். (சுமார் 3.88 லிட்டர் ஒரு கேலன் என்பது ஆகும்). இதில் மனிதனக்கு சுமார் 142 கேலன் சுத்தமான ஆக்சிஜன் வாயு தான் உடலுக்கு கிடைக்கிறது. மீதமுள்ளவை அனைத்தும் அசுத்தமான காற்றுதான். இந்த நிலை தொடருமானால் இருபது ஆண்டுகளுக்குப் பிறகு எல்லா நுரையீரல் பாதிப்பு நோயாளிகள் தான் மருத்துவமனைகளில் அதிகமாக இருப்பார்கள் என்று ஒரு ஆய்வு கூறுகிறது.

எரிமலை வெடித்து சிதறுவதாலும் காற்று மாசு இயற்கையாக ஏற்படுகிறது. சுமார் 500 எரிமலைகள் உலகில் உயிரோடு இருக்கின்றன. இதில் சுமார் 50 எரிமலைகள் ஒவ்வொரு ஆண்டும் வெடித்து சிதறி விஷ வாயுக்களையும், சாம்பலையும் கக்கிக்கொண்டு இருக்கின்றன. இந்த சாம்பலும், விஷ வாயுக்களும் எரிமலை வெடிக்கும்போது வெளியாகி காற்றில் கலந்துவிடுகின்றது.

பூமியிலிருந்து சுமார் 16 முதல் 32 கிலோ மீட்டர் உயரத்துக்கு எரிமலைகள் வெடித்து சிதறி மேற்பரப்பில் மாசுப் பொருட்களை வானத்தில் கலந்து விடுகிறது. சுமார் 50 கோடி மக்கள் இப்படிப்பட்ட எரிமலைகளுக்குப் பக்கத்தில் வாழ்கிறார்களாம். நினைத்துப் பார்க்கவே பயமளிக்கிறது.

சிகரெட் புகையாளிகளினால் அவா்கள் பாதிக்கப்படுவதை விட, அருகிள் இரு்க்கும் மற்றவா்களுக்கே அதிகமான பாதிப்பை உண்டாக்குகின்றது. இதன் விளைவுகளை புாிந்துகொண்டு சிகரெட் பிாியா்கள் மற்றவா்களுக்கு தீங்கு விளைவிக்காதவாறு கவனத்துடன் இருக்க வேண்டும்.

உலகில் நீங்கள் ஒருத்தர் மட்டும் சிகரெட் புகைக்கவில்லையே? என நினைக்கலாம் உலகம் முழுவதும் சுமார் 160 கோடி பேர் சிகரெட் வாடிக்கையாளர்களாக இருக்கிறார்க ள். இத்தனை பேரும் விடும் புகை, காற்றை அசுத்தப்படுத்துமா…படுத்தாதா…? என்பதை நீங்களே யோசித்துப் பாருங்கள். நீங்களும், உங்கள் குடும்பத்தினரும் கூட இந்த அசுத்தக் காற்றை சுவாசிக்கிறாா்கள் அல்லவா. இது கெடுதிதானே..! ஆகவே தயவு செய்து சிகரெட்டை இன்றோடு நிறுத்திவிடுங்கள். இதுவரை புகைத்தது போதும். நாம் வசிக்கும் இடத்தைச் சுற்றி சிகரெட் புகைத்தால் கர்ப்பிணிப் பெண்களின் கருவில் குழந்தை உருவாகுவதையும் பாதிப்படையச் செய்கிறது.

நாம் இறை வழிபாட்டிற்க்கு பயன்படுத்தும் கற்பூரம் எரியும்போது கார்பன் படிமங்களையும், கார்பன் துகள்களையும் அதிகமாக உண்டு பண்ணுகிறது. இவை காற்றில் கலந்து நுரையீரலுக்கு தீங்கு விளைவிக்கும். அதனாலேயே இப்பொழுதெல்லாம் கோவில்களில் கற்பூரம் ஏற்றுவதற்கு பதிலாக எண்ணை அல்லது நெய் தீபம் ஏற்ற பயன்படுத்த ஆரம்பித்து விட்டார்கள். அதையே நாம் தொடர்ந்து பயன்படுத்துவோம்.

சுத்தமான காற்று கிடைப்பதென்பது மிக மிகக் கஷ்டமாக இருக்கிறது. இந்த நிலையில் சுத்தமான ஆக்சிஜனுக்கு எங்கே செல்வது என்ற கவலையைப் போக்க `ஆக்சிஜன் பார்லர்` என்ற கடைகளை வெளிநாடுகளில் திறந்திருப்பது காலக் கொடுமை. இந்தியாவிலும் இந்த கொடுமை இருக்கிறது. சென்னையிலும் கேன்களில் ஆக்சிஜன் காற்று அடைத்து விற்பைன செய்வதை சில இடங்களில் காணமுடிகிறது.

சுத்தமான ஆக்சிஜனை சுவாசித்து உடலில் புத்துனா்ச்சியை ஏற்றிக்கொள்ள இந்தக்கடைகள் உதவுகிறது. நம் நாட்டில் இது இன்னும் பொிய அளவில் பிரபலமாக வில்லை. நாம் காற்றை அசுத்தப்படுத்தாமல் இருந்தாலே இந்தக் கடைகளுக்காண தேவை இருக்காது.

நாம் காற்றை அசுத்தப்படுத்தாமல் இருப்பது எப்படி?

* பிளாஸ்டிக்கினால் தயாரிக்கப்பட்ட எந்தப் பொருட்களும் மண்ணுக்குள் மக்காமல் இருக்கும். ஆகவே எரித்துத்தான் ஆகவேண்டும். எாிப்பதனால் நச்சுப்புகை நம்மை சூழும். ஆகவே பிளாஸ்டிக் பொருட்கள் உபயோகிப்பதை தயவு செய்து குறைத்துக்கொள்ளுங்கள்.

* மக்கும் தன்மையுடைய பொருட்களை எாித்துவிடாமல், மண்ணில் புதைத்துவிடுங்கள். அது மண்ணிற்க்கு சிறந்த உறமாகும்.

* வீடு, கழிவரை முதலியவற்றை சுத்தம் செய்ய அதிக சக்தி வாய்ந்த `கிளினீங்’ பொருட்களை உபயோகிக்காதீர்கள்.

* கியாஸ் மூலம் இயங்கும் இயந்திரங்களுக்குப் பதிலாக மின்சாரம் மூலம் இயங்கும் இயந்திரங்களை அதிக அளவில் பயன்படுத்துங்கள்.

* வாகனங்களில் தேவையின்றி செல்வதை தவிா்த்திடுங்கள். கார் ஓட்டும்போது அடிக்கடி வேகத்தை கூட்டிக் குறைத்து ஓட்டுவதை தவிா்த்திடுங்கள். மிதமான வேகத்தில் செல்லுங்கள். * சிகரெட்டை நிறுத்துங்கள்.

* உங்களது வாகனங்களில் அதிக புகை வராமல் பார்த்துக் கொள்ளுங்கள்.

நமது தலைமுறைகள், நீண்ட காலத்துக்கு நிலைத்து உயிர்வாழ காற்று மிக மிக அவசியம். எனவே இந்த தலைமுறையில் வாழ்ந்து கொண்டிருக்கும் நாம் நல்ல காற்றை உருவாக்க உதவி செய்ய வேண்டும்.